Уңайлы шартларда

Район хакимиятендә “Molod” исемле яшьләр форумы үткәрелде. Катнашучылар үзләренең социаль проектларын тәкъдим иттеләр һәм фикерләре белән уртаклаштылар.

Форум чикләрендә, алар район хакимияте башлыгы А.Ф.Сабиров белән очрашып-сөйләштеләр.

- Очрашу уңайлы шартларда үтте. Яшьләр мөһим сорауларына җавап кына алып калмады, районның социаль проб­­лемалары өчен борчылу да белдерде. Тирә-як мохит, асылда, чыгарылыш кичәлә­рендә һәм төрле тантаналарда һавага гелийлы шартлар очыруны туктатырга тәкъдим иттеләр, чөнки алар безнең экологияне пычрата. Ра­йон­ның КВН командасына ярдәм күрсәтү турында мәсь­әлә дә күтәрелеп чыкты. Әл­бәттә, без бу команданы гына түгел, җиңү яулаучы яшь җыр­чы, биюче, спортчы, му­зыкант­ларга да ярдәм итә­чәк­без, - диде Альфир Фәрхәт улы.

Бу форумда үзләренең һәм тирә-як мохитне яхшы якка үзгәртү теләге белән янган актив яшьләр катнашты. Алар арасында Прибельский авыл биләмәсе яшьләре аерылып торды, дисәң бер дә ялгыш булмас. Алар 4 проект әзерләп алып килгән.

- Тормышта иң мөһиме – алдыңа максат һәм бурычлар куеп, шуңа омтылу. Үзеңнең уй-хыялларың турында курыкмыйча сөйләргә һәм жюри әгъзалары хөкеменә тәкъдим итәргә кирәк, - дип ассызыклады үзенең чыгышында район хакимияте башлыгы урынбасары Флизә Макеева.

Эксперт комиссиясе беренче урынны ике кешегә би­рер­гә карар итте. Башлангыч сыйныф укучылары өчен уен зонасы булдыру идеясе өчен Прибельский авылыннан Илья Михай­лов һәм китап­ханә базасында “Библиоша” театр студиясе төзү теләге белән янган Людмила Дмитриева 20 000 сум грантка ия булдылар.

- Һичшиксез, ике проект та мөһим һәм аларны арытабан тормышка ашырырга кирәк. “Прибельский авылында чүп-чарны аерым җыю” проекты­ның авторы Мәдинә Заһидул­ли­нага 10 000 сум күләмендәге грант тапшырылды. Бу акчага инициатива төркеме пластик, кәгазь һәм хәвефле әйберләр салу өчен махсус контейнерлар сатып алачак, - диде район хакимия­тенең мәгълүмати-аналитика бүлеге начальнигы Рушания Хәмәтгалимова.

Ринат Әбделманов.