“100 баллылар” югары стипендия алачак

Бу исемлеккә олимпиада призерлары да керә.

Быел республикада 109 чыгарылыш сыйныф укучысы БДИны 100 баллга тапшырды.

Аларның һәркайсына Уфа дәүләт нефть техник университеты сертификат әзерләгән. Бу вузга укырга керүче студент шул сертификат буенча югары стипендия алып укыячак.

Шул ук вакытта, олимпиада нәтиҗәләре белән укырга керүчеләр дә читтә калмаячак, алар беренче ярты елда 30ар мең сум стипендия алачак. Бу хакта Башкортстан вузлары ректорлары советы рәисе, Уфа дәүләт нефть техник университеты ректоры Рамил Бәхтизин белдерде.

Аның әйтүенчә, республиканың башка югары уку йортларында да укучыларны җәлеп итүче программалар каралган.

https://kiziltan.rbsmi.ru/articles/obraz/100-ballylar-yugary-stipendiya-alachak/

ФОТО:https://kiziltan.rbsmi.ru/upload/iblock/5a8/5a81dfeef2e527c7b162b4102765f2b2.jpg