Аскында клублар гөрләячәк

Башкортстанның мәдәният министры Әминә Шәфыйкова күптән түгел Аскын районына эш сәфәре барышында Кубияз авылының яңа мәдәният учагы белән танышты.

Клуб “Кече Ватан мәдәнияте” программасында катнашкан. Федераль проект грантының гомум суммасы 3 миллион 766 мең сумга баскан.

“Ил җитәкчесе Владимир Путин тарафыннан билгеләнгән “Мәдәният” гомумдәүләт проекты кысаларында без ел саен егермеләгән мәдәният объектын яңартабыз. Ә “Кече Ватан мәдәнияте” программасы буенча 15 авыл клубының матди-техник базасы яңартыла. Кубияз авылы мәдәният йортының да матди-техник базасы тулысынча яңа сулыш алган. Биредә 6 түгәрәктә 83 кеше шөгыльләнә”, – ди Әминә Шәфыйкова.

Аның әйтүенчә, октябрьдә “Мәдәният” гомумдәүләт проекты кысаларында Кашка авылында клуб ачылачак. “Әле анда капиталь ремонт эшләре бара”, – ди министр.

#национальныепроекты #нацпроекты #региональныепроекты #регпроекты #нацпроектыБашкортостан #ВладимирПутин

"Кызыл тан" сайтыннан алынды.