Истәлекле вакыйга

Кырмыскалы авылыннан Александр Кутушев өчен бу сайлаулар беренчесе. Шуңа да 18 яшьлек егет өчен бу көн – аеруча истәлекле.

Быел ул Кырмыскалы авылының 2нче санлы урта мәктәбен тәмамлаган. Киләчәктә ир-егетләрнең ил алдындагы төп бурычын үтәргә – хәрби хезмәткә барырга ниятли.

- Киләчәк – яшьләр кулында, диләр. Шуңа да бу мөһим вакыйгада үз тавышымны бирү – минем гражданлык бурычым, дип исәплим. Нинди илдә ничек яшәячәгебезне үзебез сайлыйбыз, - ди Александр.