Үзән
+23 °С
Болытлы
Барлык яңалыклар
Синең кешеләрең, авыл
2 февраль 2018, 13:03

Халыкка зур бәйрәм бүләк иттеләр

Шәйморатов мәдәният йортында әледән-әле өлкәннәр өчен дә, балалар өчен дә күркәм чаралар оештырылып тора. Яңа ел бәйрәме дә биредә бик күңелле узды.

Авыл биләмәсе башлыгы И.М.Моратшин һәм мәдәният йорты җитәкчесе Г.Ф.Нигъмә­туллина бу уңайдан байтак көч салдылар. Залда халыкның күп җыелуы да һәркем бәйрәмне түземсезләнеп көтеп алуы турында сөйли.
Илвир Мидхәт улы җые­лучы­ларны бәйрәм белән котлап, иң изге теләкләрен җит­керде. Мә­дәният учагы кар­шын­да эшләүче иҗади коллективлар һәм үзешчән сән­гатьтә катнашучылар тамашачыларга иң чагу номерларын бүләк итте. Бу көнне район Мә­дәният сарае артистлары да чыгыш ясап, шәймора­товлыларның кә­ефен тагын да күтәреп җибәрде.
Гомумән, бәйрәм чарасы җыр-биюләр, конкурслар, лотерея уены белән үрелеп барды һәм һәр­кемнең күңелендә ел буена җи­тәрлек онытылмаслык тәэссорат­лар калдырды.
Әфкать Нигъмәтуллин, башлангыч ветераннар оешмасы рәисе.
Читайте нас: