“Хыялымда йөреткән һөнәр”

Ветеринар – иң кирәкле һөнәрләрнең берсе. Бу эштә очраклы кешеләр юк, чөнки бирегә йөрәк кушуы буенча киләләр. Уңайлы эпизоотик хәлне саклау, мал продукциясенең югары сыйфатын һәм хәвефсезлеген тәэмин итү, куркыныч тудыручы авыруларны профилактикалау буенча чаралар үткәрү кебек зур көч таләп ителгән эшләр аларның иңнәренә йөкләтелә. Эш үтә дә җаваплы һәм авыр булуга карамастан, Иске Бәбеч ветеринария станциясенең ветеринария фельдшеры Н.Б.Әюпов бу өлкәдә байтак еллар хезмәт сала.