Һөнәренә тугры кала

Бозаяз почта бүлекчәсенә килгәндә Раушания Хөсәен кызы Хәкимовага нибары 19 яшь була. Шул көннән 36 ел гомер үтеп киткән. Ләкин ул бүгенгәчә кайчандыр сайлаган һөнәренә тугры кала.

Ә хат ташучы һөнәре җиңелдән түгел, ул зур җаваплылык таләп итә. Зәмһәрир суык, түзеп булмаслык эссе, коеп яңгыр ява яки көчле җилме - һәрвакыт эш өстендә. Чөнки аларны һәр йортта көтеп торалар. Хәзер гәзит-журнал алучыларның саны күпкә кимеде, шунлыктан, сумкалары күпкә җиңе­ләй­де. Ләкин ул элекке дәрә­җәне саклап калу өчен ул бар­лык тырышлыгын салып эшли.

- Матбугат басмаларына, шул исәптән “Кармаскалиская новь”, “Үзән”, “Даирә” гәзитләренә яздыруда Рима Ишмакова, Рәмзия Мостаева, Халидә Акбашева, Татьяна Погребняк, Денис Ишмаков та күп көч сала. Һәрберсе эшлә­ренә җаваплы караганы, тырышып эшләгәне өчен Марат Габдулхай улы Абдюков җитәкчелегендәге коллектив районда алдынгылар исәбендә, - ди ул.

Раушания Хәкимова­ның шәхси хуҗалыгында да эше җитәрлек. Тормыш иптәше Әнис белән күр­кәм йорт салып керделәр. Армиядән соң Эчке эшләр министрлыгы органнарында хезмәт иткән улы Эмиль, кызлары Лилия һәм Эльвина әти-әнисенә бар яклап та ярдәм итәләр.

Гөлфинә Мостаева.