Үзән
+23 °С
Болытлы
Барлык яңалыклар

Укытучы һөнәрен сайлаган Мөхәммәтшиннар

Минем алдымда без­нең мәктәп укытучы­ларының фо­торәсемнәре ята. Күпләрен бел­мим дә, ләкин алар арасын­да минем өчен иң кадерле, иң газиз кешеләр – нәнәем Винера Ягафәр кызы һәм карт­әтием Сабит Сабир­җан улы Мө­хәм­мәт­шин­нар да бар.

Минем алдымда без­нең мәктәп укытучы­ларының фо­торәсемнәре ята. Күпләрен бел­мим дә, ләкин алар арасын­да минем өчен иң кадерле, иң газиз кешеләр – нәнәем Винера Ягафәр кызы һәм карт­әтием Сабит Сабир­җан улы Мө­хәм­мәт­шин­нар да бар.
Алар икесе дә Сахай авылында туып-үскәннәр һәм барлык гомерләрен мәгариф өлкә­сенә багышлаганнар. Күпме укучыларга тормышка юллама биргән алар?! Исәбе-саны юк!
Винера Ягафәр кызы мәк­тәпне тәмамлау белән, Башкорт дәүләт универ­си­тетының филология факультетына укырга керә. Аны уңышлы тә­мам­лау белән рус теле һәм әдәбияты укытучысы буларак хезмәт юлын башлап җибәрә. Туган мәк­тәбендә ул кырык елга якын хезмәт сала.
Бүген, элекке фоторә­сем­нәрне карап, нәнәем эшләгән елларын сагынып искә ала, үзенең һәм укучыларының казанышлары турында зур горурлык хисе белән сөйли. Алар арасында укытучы һөнәрен сайлаучылар да аз түгел. Мәсә­лән, Гүзәл Әфтәх кызы Халикова, Светлана Фәһим кызы Әдиятуллина, Рәйханә Рәүф кызы Латыйпова...
Барлык укучылары да нә­нәемне хөрмәт итә, еш кына кунакка килеп, мәктәп елларын искә төшерәләр.
Картәтием дә мактау сүзлә­ренә лаек. Мәктәпне тәмамлау белән Совет Армиясе сафларында хезмәт итә. Хезмәтен тутырып кайту белән урман-техник техникумына укырга керә. Кулын диплом алгач, туган авылына кайта һәм, нәнәем кебек, мәктәпкә эшкә урнаша. Балаларны хезмәткә өйрәтә ул. Соңрак Башкорт дәүләт университетына укырга кереп, читтән торып татар теле һәм әдәбияты укытучысы белгеч­леге алып чыга.
Нәнәй белән картәти менә инде 45 ел тату гомер киче­рәләр. Бер кыз, ике ул үстерде­ләр. Аларга лаеклы белем һәм тәрбия бирделәр. Балалары да яхшы һөнәрләр үзләштер­гән: икътисадчы, технолог, ә әтием – укытучы.
Әтием мәктәпне тәмам­лагач та, әти-әнисе юлын сайлап, укытучы булырга карар итә. Башкорт дәүләт универ­ситетының тарих факультетына укырга керә һәм биш елдан дипломлы белгеч булып чыга. Ул үзенең һөнәрен бик ярата. Мин дә аның илебез тарихы турында сөйләвен зур кызыксыну белән тыңлыйм.
Без Русиядә яшибез, шуңа да рус телен яхшы белергә тиешбез. Туган тебезне дә онытырга ярамый. Бу уңайдан мин бик бәхетле кеше. Рус теле буенча - нәнәем, ә туган телебез­нең матурлыгын тоярга карт­әтием ярдәм итәләр. Илебез тарихын мин әтиемнән беләм.
Гаиләм белән бик горурланам. Ул, чынлап та, укытучылар династиясе. Мин дә үсеп җит­кәч, якыннарымның эшен дәвам итәчәкмен, чөнки бу иң изге, иң мөһим һөнәрләр­нең берсе.
Эвелина Мөхәммәтшина, Сахай урта мәктәбе укучысы.
Читайте нас: