Валентина Емсина – “Привет, Андрей “ тапшыруында

“Телевизион тапшыруына ничек эләктең?” - дигән сорауга, Валентина Ильинична “Яратып караган тапшыруга заявканы кызым Анна җибәргән”, дип җавап бирде. Мөхәррирләр аның төрле еллардагы чыгышларының видеоязмаларын сораганнар, шуннан соң Мәскәүгә тапшыруга чакырганнар. 

- Мине күреп алулары һәм чакырулары өчен рәхмәтлемен. Йортыма килеп, минем турыда сигез сәгать сюжет төшерделәр, - ди Валентина Емсина.

Героебыз сүзләренә караганда, Мәскәүгә билет, кунакханәдә яшәгән өчен телевизион канал үзе түләгән. 

- Мин беренче тапкыр самолетка утырдым. Мәскәүгә барып җиткәч тә, безне каршы алдылар, кунакханәгә илтеп куйдылар, ә икенче көнне М.Горький исемендәге киностудиядә тапшыру төшерделәр. Студиядә хакимлек иткән дустанә һәм җылы атмосферада барлык дулкынланулар юкка чыкты, - дип сөйләде Валентина Ильинична.   

Эфирда якташыбыз җырларга яратуы һәм туган авылында төрле чараларда актив катнашуы турында кызыклы итеп сөйләде. Валентина Емсина умарта тота, үсемлекчелек белән шөгыльләнә, шулай ук ул үсентеләр әзерләү буенча үз тәҗрибәсе белән уртаклашты.

- Көз көне мин орлыкларны җыеп, төенчеккә төйнәп куям. Ә гыйнвар аенда минем мәшәкатләр башлана – борыч чәчәм. “Сибирский князь» - безнең өчен иң яраткан сорт. Ул һәрвакыт эре булып үсә. Мул уңыш алу өчен эшеңне ярартып башкарырга һәм изге су сибәргә кирәк, - ди Валентина Емсина.

Тапшыру барышында якташыбыз халык такмакларын башкарды. Аннары Андрей Малаховка милли ризыгыбыз - чәкчәк һәм башкорт балын бүләк итте.

Валентина Ильинична Олыкүл авылында туган. Әнисе Любовь Михайловна Тимофеева балачактан аңа җырга сөю тәрбияләгән. Кыз кечкенәдән үк төрле иҗади конкурсларда, концертларда катнаша. Сигезьеллык мәктәпне тәмамлагач, Уфа медицина училищесына укый. Аннары тимер юлында автомеханик булып эшләгән авылдашы Леонид Емсинга кияүгә чыга. Бер-бер артлы кызлары Анна һәм уллары Константин туа.

Пенсиягә чыккач та Уфа шәһәрендәге “Милый мой хоровод” рус җырлары ансамблендә катнаша. Бүгенге дә ул төрле сәхнә мәйданчыкларында, шулай ук капиталь ремонттан соң күркәм төс алган Олыкүл авылының мәдәният йортында чыгыш ясый.

Шунысы гаҗәп, тапшыруның эфирга чыгуы Валентины Ильиничнаның туган көненә туры килгән, бу аның өчен зур бүләк. Әйткәндәй, тапшыру мөхәррирләрне аның белән хушлашмаган, ә “Очрашканга кадәр!” – дигән. Димәк, без аның Мәскәүгә баруы соңгысы булмас дип ышанып калабыз.

Светлана ӘХМӘТҖАНОВА.