Үзән
+23 °С
Болытлы
Барлык яңалыклар
Социаль аспект
5 сентябрь 2017, 12:39

Фатир ачкычлары алдылар

Шул көннәрдә Суык-Чишмә авылы янында урнашкан “Дубрава” торак комплексында ятимнәргә һәм ата-ана тәрбиясеннән мәхрүм калган балаларга яңа фатир ачкычлары тапшыру тантанасы үткәрелде.

Яңа өй туйлаучыларга сә­ламләү сүзе белән муниципаль район хакимияте башлыгы Ф.Ф.Чыңгызов мөрә­җәгать итте.
- Федераль һәм республика бюджетыннан бүленгән акча исәбенә ел саен районда балигъ булган ятим балаларга торак бирелә. Бүген район­ның биш кешесе барлык уңайлыклары булган фатир ачкычы ала, - диде Фәнзил Фәез улы.
Фатирлы булучылар арасында гаиләлеләр дә булуы аеруча куанычлы.
- Безнең өчен бу зур вакыйга. Без аны зур түзем­сезлек белән көтеп алдык. Ниһаять, хыялыбыз тормышка ашты. Фатирыбыз иркен һәм якты. Балабызга рәхәт­ләнеп уйнау өчен ихатада балалар мәйданчыгы да бар. Биләмәнең күзәтү астында булуы да яхшы. Якын вакытта фатирыбызга йорт җиһазлары һәм көнкүреш техникасы сатып алачакбыз, - дип шатлыклары белән уртаклаштылар Лиана һәм Павел Ризвановлар.
Ә менә яңарак өйләнеш­кән Лиана һәм Илфат Каһар­мановлар өчен яңа фатир зур бүләк булды.
Шуны да билгеләп үтәргә кирәк, ел саен ятимнәрне торак белән тәэмин итү прог­раммасына федераль һәм республика бюджетыннан 12 миллион сумнан артык акча бүленә. Безнең районда чиратта торган 17 кеше дә агымдагы елда тораклы булачак.
Марсель Рәшитов.
Читайте нас: