Чын ир-егетләр уены

Бу көнне Ринат Акбашев, Марс Мостаев, Фәрхәт Хәсәнов, Алик Акбашев, Альфред Ширгазин, Шәри­фулла Мирясов, Фәних Сабитов, Касыйм һәм Рәис Колшәриповлар, Наил Ишмаков үзләренең осталыгын гына күрсәтеп калмады, алар - күптәнге танышлар, бер-берсе белән очрашты, аралашты.

Әйтергә кирәк, ирләр арасында шахмат ярышы киеренке барды. Аның нә­тиҗәсе буенча, беренче урын­га Подлуб авыл билә­мәсеннән Наил Ишмаков лаек булды, икенче һәм өченче урыннарда - Яңа Кы­ешкы авыл биләмәсе вә­килләре Рәис һәм Касыйм Колшәриповлар.

Җиңүчеләргә һәм активистларга дипломнар һәм истәлекле бүләкләр тапшырып, Атҗитәр авыл билә­мәсе башлыгы Г.Г.Уразбахтина турнирда катнашулары һәм сәламәт тормышны пропагандалаганнары өчен рәх­мәтен җиткерде.

Бу спорт чарасы анда катнашучыларның һәммә­се­нең күңелендә онытылмас тәэссоратлар калдыргандыр, дип ышанасы килә, чөнки ул оста уенчыларны һәм яшь талантларны бер мәйданда очраштырып кына калмады, ә аралашу, тәҗрибә уртаклашу, осталык туплау мөмкинлеге дә бүләк итте.

Талига Акбашева.