Район Кубогы - кырмыскалыларда

Бәйге башланыр алдыннан лапта буенча районның җыелма командасы капитаны, БРның ике тапкыр чемпионы, җиңел атлетика буенча спорт мастерына кандидат, Балалар һәм үсмерләр спорт мәктәбе тренеры Илзинә Шафиковага “Хез­мәткә һәм оборонага әзер” (ГТО) Бөтенрусия спорт комплексының алтынбилгесе тапшырылды.

Ир-егетләр арасындагы турнир үтә мавыктыргыч килеп чыкты, финалга чыккан өч команда иң көчле исеме өчен көрәште. Нәтиҗәдә, Кырмыскалы авылы биләмәсе командасы – беренче, Карлыман авыл Советы – икенче һәм Прибельский авыл Советы өченче урыннарга лаек булды.

Хатын-кызлар командалары арасындагы уенда, шулай ук, Кырмыскалы авыл Советы командасы – беренче, Прибельский командасы – икенче һәм Кырмыскалы авылының Балалар һәм үсмерләр спорт мәктәбенең җыелма командасы өченче урыннарга чыкты.

Барлык призёрларга да Дипломнар һәм Грамоталар, ә җиңүче командаларга район Кубогы тапшырылды.

Вадим Канбәков.