Казаннан – җиңү белән

Күптән түгел Казан шәһәрендә Тхэквондо буенча Русия чемпионаты һәм беренчелеге үтте. Анда безнең район вәкилләре дә катнашып, җиңү яулап кайтты.

Финал ярышында “Стоп-балл” дисциплинасында беренче урын өчен 38 килограммга кадәрге авырлык катего­риясендә безнең егетләр – Богдан Фәттахов һәм Михаил Иванов очрашты. Бу уен Богданның җиңүе (исәп 2:1) белән тәмамланды. Финалга кадәр аларның һәркайсысы бишәр уен үткәргән иде инде.

Безнең район егетләре һәм кызлары - Михаил Иванов, Солтан Алдакаев, Богдан Фәттахов, Валерия Зонова, Яна Балашова, Азамат Гаделшин, Артем Кә­римов Башкортстан Республикасының Тхэквондо Федерациясе җыелма командасы өчен чыгыш ясап, 2000 спортчы арасында югары нәтиҗә күрсәттеләр.

Радик Сөләйманов.