Спорт – аның яшәү рәвеше

Сахай авылында туып-үс­кән егет мәктәптә укыган елларында ук спорт белән дус­­лаша. Монда укытучысы Рөстәм Расих улы һәм әти-әнисенең дә роле зур булгандыр. Рәйханә Ягафәр кызы һәм Әмир Әбүзәр улы ныклап спорт белән шөгыль­лән­мә­сәләр дә, еш кына ба­ла­­лары белән чаң­гыда шуарга чыгалар, туристик походларга йөриләр һәм шул рәвешле аларның күңе­лендә спортка сөю уяталар. Илмир тәүдә җиңел атлетика белән мавыкса, М.Ак­мулла исе­мен­дәге Башкорт дәүләт педагогия университетына укырга кергәннән соң, спортның уен төрләре, шул исәптән бура уены белән кызыксына башлый. Ярышлар, күңелле миз­гелләр белән тулы студент еллары артта кала һәм Илмир районга эшкә кайтып, кайчандыр үзе укыган мәктәптә эш башлый. Моңардан тыш, “Яшьлек” физкультура-сәла­мәтләндерү комплексында тренер буларак күнекмәләр алып бара. Күңелгә яткан эш белән шөгыльләнгәч, нәти­җәләр дә үзен озак көттерми. Былтыр командасы белән Йошкар-Ола шәһәрендә уз­ган Русия чемпионатында 2нче урын алалар. Бәлки, 1нче урын да яуларлар иде, тик Илмир ярымфиналда җәрәхәт алу сәбәпле, чак кына калышырга туры килә. Се­нтябрь аенда респуб­ли­каның җы­елма командасы составында Русия кубогына ия булуын исә күпләр горурлык белән кабул иткәндер. - Финалда көчле дәгъ­вачылар белән уйнарга туры килде. Әмма команда әгъ­заларының тырышлыгы, ос­та­лыгы, озайлы күнек­мәләр үз нәтиҗәсен күр­сәтми калмады, - ди Илмир Анапа шә­һәрендә узган чемпионат турында.Илмир Әмир улының тәр­бияләнүчеләре дә сынатмый. Республика ярыш­ла­рын­­да призлы урыннар яу­­лыйлар. Сахайда аның үр­нәгендә һәм канаты астында бер буын тәрбияләнгән ди­сәң дә була – хәзер алар ке­черәк яшьтәгеләрне дә өй­рәтерлек осталыкка ия. - Авылыбызда күптән тү­гел резина өслекле яңа парк, спорт мәйданчыгы ачылды. Яшьләргә спорт белән шө­гы­ль­ләнү өчен яңа мөм­кин­лек­ләр тудырылуы ку­аныч­лы. Теләгең генә булсын, барлык шартлар да бар, - ди Илмир.Киләчәккә планнары бай­­так тырыш егетнең. Үзе әйтүенчә, җиңүләр яңа үрләр яулау өчен көч-дәрт өсти. - Спортның сәламәтлеккә яхшы яктан тәэсир итүеннән тыш, уңай тәэссоратлар бү­ләк итүе өчен яратам. Шушы ярышларда катнашу аркасында бик күп шәһәрләрдә булырга туры килә, - ди Илмир Әмир улы.Киләчәктә дә тормышта күрерлек, сокланырлык, җи­ңүләр яуларлык шәһәрләр күп булсын, Илмир!Эльнара Шәймәрдәнова.