Кырмыскалылар экологик өмәгә актив кушылды

Бу көнне, әйтерсең, һава торышы да ярдәм итте – кояш чыгып, җылытып җибәрде, һәммәсенең кәефе күтәрелде һәм эшләргә көч-дәрт барлыкка килде. Кырмыскалы авыл биләмәсенең 1800 кешесе бу көнне 22 тонна чүп-чар җыйды. Табигать кочагына ял итәргә килеп, кайберләрнең артларыннан калдырылган өем-өем чүпләреннән арындыргач, тирә-як “җанланып”, чистарып калды. Җы­елган чүп-чар чүплеккә илтеп түгелде.
“Яшел Русия” Бөтенрусия экология өмәсе чикләрендә, бу көнне үсеп китә алмаган үсентеләр урынына икен­челәре урын алды. Район би­лә­мәсенә, социаль-мәдәни учреж­де­ниеләр янына 1 000нән артык зур агач утыртылды.
Шулай, Кабак авыл мәдәният йорты янына үсеп китә алмаган агачлар унга якын чыршы белән алмаштырылды. Иске Кыешкы мәктәбе билә­­мәсендәге Бөек Ватан сугышы ветераннарына куелган мемориал такта буйлап – чыршылар утыртылса, Аксаков күле буен чүп-чардан тазарту буенча өмә оештырылды. Подлуб авыл биләмә­сенең Бекет авылындагы Җиңү паркы биләмәсенә, Суык Чишмә мәктәбе һәм Подлуб авыл мәдәният йорты билә­мәләренә 120гә якын үсен­те утыртылды. Моңардан тыш, Бекет авы­лындагы күл буенда экологик шим­бә өмәсе үткәрелде. Яңа Кыеш­кы авылында Каран елгасы да чистарып калды. Акция чикләрендә, шәймора­товлылар авыл халкы һәм кунаклар ял итәргә яраткан урыннарны - клуб һәм М.М.Шәймора­тов исе­мен­дәге чишмә тирәсен тәртипкә китер­деләр. Кыскасы, үзебезнең табигате­безнең язмышына битараф булмаган һәр кеше экологик өмәдә зур теләк белән катнашты һәм үз өлешен кертте.
Бу акция – җиребездә якты эз калдырырга бер дигән мөмкинлек. Бүген без үсеп килүче буын өчен якты һәм яшел киләчәк булдырабыз.
Хәтерегезгә төшерәбез, акциянең икенче этабы киләсе шимбә, ягъни 26 сентябрьдә үткәреләчәк. Бу көнне “Җиңү урманы”, “Яшел Башкортстан” акцияләре оештырылачак. Бу чаралар чиклә­рендә 20 мең төптән артык агач үсентесе утыртылачак, ә Бүләкәй ав­ы­лы янында 4 гектар мәйданлы урманга нигез салыначак.
Светлана Карпова.