Үзән
+9 °С
Болытлы
Барлык яңалыклар
Тантана
12 декабрь 2017, 14:03

Гәзитне бергәләп “эшлибез”

Район гәзитләре редакциясендә башлангыч журналистлар оешмасының чираттагы җыелышы үткәрелде.

Берләшмә рәисе Әлфия Сибагатуллина узган чордагы эшчәнлеккә йомгак ясады. Республиканың журналистлар берлегенең җаваплы секретаре Фәнил Кодакаев Мәскәү шәһәрендә узган Русия журналистлар берлегенең 12нче съездындагы тәэссорат­лары белән уртаклашты, төбәк оешманың эше турында сөйләде, шулай ук журналистлар берлегенә кер­гән Ринат Шәйбәков, Эльвира Ямалетдинова, Фәния Сәлим­гәрәева һәм Илнара Хәкимо­вага билетлар тапшырып, аларга иҗади уңышлар те­ләде.
Бүгенге көндә 18 әгъзадан торган районның башлангыч журналистлар оешмасы республикада иң эреләрнең берсе.
- Республикада башка мондый күпсанлы башлангыч журналистлар оешмасы юк, сос­тавына килгәндә дә, аның күпчелеген яшьләр тәшкил итә. Димәк, иҗат итү өчен мөмкинлекләрегез дә зур, - дип билгеләде Фәнил Шәм­сетдин улы, урындагы район гәзите редакциясе һәм телевидение журналистлары райондагы яңалыкларны һәм вакыйгаларны гына түгел, көнүзәк проблемаларны да яктырта барыр, дигән ышанычын белдереп.
Муниципаль район хакимияте башлыгы урынбасары Илмира Галиәхмәтова, район хакимиятенең эшләргә идарә итүчесе Фәргать Котлыбаев, журналистика ветераннары Мидхәт Рәҗәпов, Рәмилә Сәйфуллина һәм Эльза Саттарова хезмәттәшләренә үз­ләренең изге теләкләрен җит­керделәр. Район басмасы активистлары Риф Йөзлек­баев, Таһир Вилданов һәм Рә­гыйдә Дәүләтбаева иҗади планнары белән уртаклаштылар. Яшь журналистлар да үзләренең чыгышларында районның киң мәгълүмат чараларын тагын да эчтәлек­лерәк, укымлырак итү өчен киләчәктә дә бергәләп эш­ләр­гә кирәклеген ассызыкладылар.
Тәлгать Мөхәммәтҗанов.
Читайте нас: