Халыкны берләштергән символика

Анда район үзәгендәге мәктәп укучылары һәм педагогия коллективлары, оешма һәм предприятие җитәкче­ләре, хезмәт коллективлары катнашты. Күргәзмәне ачу тантанасының рәсми өлешен­дә муниципаль район хакимияте башлыгы Ф.Ф.Чың­гызов, район Советы секретаре А.Ф.Сабиров, районның ветераннар оешмасы рәисе А.Л. Мөхәммәтҗанов һәм дәүләт символлары күргәз­мәсе җитәкчесе В.А.Гайнетдинов катнашты.

Тәүге сабыйлары туган яшь гаиләләргә социаль пособие бирү турында таныклык, шулай ук Башкортстан Республикасы Конституциясе көне алдыннан Мәдәният йорты сәхнәсендә яшь гражданнарга төп документ – паспорт тапшыру тантананың иң дулкынландыргыч мәле булгандыр.

Күргәзмә залында балаларга Русия һәм Башкортстан дәүләт флаглары һәм герб­ларының барлыкка килү һәм аларны раслау тарихы, аларның әһәмияте турында сөйләделәр. Республика һәм илебез халкын берләштерүдә дәүләт символларының әһә­мия­тенә, шулай ук муниципаль берәмлекләрнең тарихи, мәдәни, милли йолаларын һәм үзенчәлекләрен чагылдырган рәсми символларын файдалануның мөһимлегенә игътибар бирелде.

Ринат Шәйбәков.