Иң яхшы укытучы

Агымдагы елда иң яхшы укытучы исе­менә ра­йонның гомум белем бирү мәктәп­лә­реннән 23 кеше дәгъва белдерде. Шу­ларның 7се финалга чыкты.

Жюри әгъзалары дә­рес­нең эчтәлеген, укы­тучының баланы уку эшчәнлегенә җәлеп итү сәләтен, сыйныф белән идарә итүен, дәреснең нәти­җәлелеген, укытучы­ның белем дәрәҗәсен һәм үзен тотышын бәһалады. Алар шулай ук педагогик про­ектларның актуальлеген дә исәпкә алды.

Шулай итеп, конкурс нәтиҗәләре буенча 2нче санлы Кырмыскалы урта мәк­тәбенең башлангыч сыйныфлар укыту­чысы Е.А.Аманова җиңүче дип танылды. Рус һәм башкорт телләре буенча “Ел укытучысы” исеменә Олыкүл урта мәк­тәбеннән Р.Х.Сибикина белән А.Т.Гайфуллина лаек булды. “Яшь укытучы”, “Күңел матурлыгы һәм сөйкемлелек” номинацияләрендә шулай ук Олыкүлдән башлангыч сыйныф укытучылары Г.Р.Янтураева белән А.А.Алек­сеева җиңүгә иреште. “Йөрәгемне балаларга бирәм” но­мина­циясендә - Прибельскийдан Г.Р.Ал­дакаева, “Чагу шәхес” номина­ция­сендә – Камышлы мәктәбеннән инглиз теле укытучысы А.С.Хөсәенова бил­геләнде.

Хәзер җиңүчеләр район данын республика конкурсында якларга әзер­ләнә. Ә барлык катнашучылар бу бәйгедән иҗа­ди дәрт, яхшы тәэссорат­лар алып, алга, яңа җиңү­ләргә таба барачак.

Әлфия Усманова.

Автор фотосы.