Кабак мәктәбенә - 30 ел

Тантанага ветеран укытучылар, мәктәптә төрле елларда укытып-эшләп киткән укытучылар, хезмәткәрләр, чыгарылыш укучылары һәм бик күп кунаклар - муниципаль район хакимияте баш­лыгының социаль мәсьәләләр буенча урынбасары Флизә Макеева, район мәгариф бүлеге начальнигы Гөлнара Исәнбаева, мәгариф хезмәт­кәрләре профсоюзы рәисе Кадрия Заһитова, шулай ук Башкорт дәүләт аграр университеты вәкилләре дә чакырылды.
Менә көтеп алган очрашу­ның шатлыклы мизгелләре килеп җитте. Шул гомер эчен­дә авылда ничә буын алышынган, күпме бала туган белем һәм тәрбия алган, күпме укытучы бу балаларга белем биргән. Әлеге вакытта чыгарылыш укучылары тормыш эшчәнлегенең төрле өлкә­ләрен­дә эшләп йөриләр. 34 уку­чы мәктәпне медальгә тәмамлаган. Ә Вәли Абдрахма­нов – техник фәннәр докторы, Антон Свистунов һәм Тимур Гарипов фән кандидатлары дигән исемнәргә ия булганнар.
Чарада Флизә Наил кызы күпьеллык һәм фидакарь хезмәтләре өчен мәгариф ветераннарына һәм укытучыларга Рәхмәт хатлары тапшырды. Ә намуслы хезмәтләре белән аерылып тор­ган укытучылар Гөлнара Мәкъсут кызы кулыннан Мактау грамоталары алдылар.
Бәйрәм җылы һәм дусларча шартларда үтте .
Рушания ХӘМӘТГАЛИМОВА.