Үзән
+9 °С
Болытлы
Барлык яңалыклар
Урындагы үзидарә
28 сентябрь 2018, 11:31

Теләк булса, бар да була...

Сахай авыл биләмәсе артык зур түгел, бирегә Бельский, Сим, Кояшкин, Бакчалы, Кызыл Яр, Иске Акташ, Иске Шәрәй һәм Сахай авыллары керә. Шулай да, кайсы юнәлешне генә алсаң да, биредә матур күрсәткечләргә ирешәләр, һәр эштә актив катнашалар. Сахай авыл биләмәсе башлыгы Ришат Равил улы Хөснетдинов белән нинди уй-хыяллар белән яшәве, биләмәдәге проблемаларны ничек хәл итүләре турында фикер алыштык.

- Ришат Равил улы, әңгәмәне авыл биләмәсенең бүгенге проблемаларын искә алудан башлыйк әле. Алар ничек хәл ителә? Нинди эшләр башкарыла?

- Авыл җирлегендә проблемасыз бер көн дә юк, аларны уңай хәл итү - зур уңыш инде ул. Шунысы бәхәссез, авылда иң мөһимнәре - юл һәм су. Республика программалары ярдә­мендә һәм үзебезнең көч белән ел саен вак таш түшәлгән юллар төзелә. Тиздән Иске Шәрәй авылына кергән урамдагы юлны "ямап" чыгарга тиешләр. Моны Юл төзү-төзекләндерү идарәлеге башкарачак. Әлеге вакытта Иске Акташ авылы урамнары төнге вакытта ялт итеп торсын өчен баганаларга экономияле лампочкалар куя башладык. Җайлап барлык авылны урап чыгарбыз, дип өмет­ләнәбез. Шунда ук элекке башлангыч мәктәп бинасы төзек-ләндерелә. Соңыннан биредә фельдшерлык пункты, клуб, тавыш бирү өчен бина урнашачак. Бельский авылындагы элекке башлангыч мәктәп бинасында да шундый ук эшләр башкарыла, эчке эшләре генә калды инде. Әле анда фельдшерлык пункты һәм почта бүлекчәсе урнашкан, ремонттан соң биредә клуб та булачак. Сахай авылында су челтәрен ремонтлау дәвам итә. Шулай ук авылның ике урамындагы баганаларга лампочкалар куелды.

- Чүптән дә күп нәрсә юк хә-зер. Сездә бу проблема ничек хәл ителә?

- Әлеге вакытта чүплекләр бар, халык шунда түгә. Ел саен су басу куркынычы янау сәбәпле, Симский, Бельский, Кояшкин, Краснояр, Бакчалы авылларыннан чүпне билге­ләнгән көнне җыеп чыгабыз. Ә 2019 елның 1 гыйнварыннан торак-коммуналь өлкәдә каты коммуналь калдыклар белән эш итүче төбәк операторлары пәйда булачак. Әлеге яңалык чүп-чарны юк итү һәм чүп­лекләр проблемасын хәл итәр, дип өметләнәбез. Тәртип мәсьәләсенә килгәндә, шунысы куанычлы, хәзер авыл ке­шеләре тирә-юньнең чисталыгына җитдирәк карый башлады. Зиратларны да бергәләп җыеш­тыралар, шимбә өмәләрендә дә актив катнашалар.

- Биредә эшкуарлар, фермер хуҗалыкларының уңышлы эшләвен дә ишетеп беләбез.

- Чыннан да, бездә тырыш, эш сөючән халык яши. Чөнки, бүген үз эшчәнлеген алып баручылар да, әле яңа хыяллар белән янып яшәүче авылдашларыбыз да бихисап. Биредә “Крона” җәмгыятенең бүлек­чәсе урнашкан. Авыл биләмә­сендә эшкуарлар, фермер хуҗа­лыклары булуга бик шатбыз. Чөнки алар авыл җирлегенең социаль-икътисадый үсешенә зур ярдәм итәләр, халыкны эш белән тәэмин итүдә булышлык күрсә­тәләр. Әйткәндәй, Урындагы башлангычларны хуплау программасын тормышка ашыруда кулларыннан килгәнчә ярдәм күрсәттеләр.

- Әйе, сезнең хәзер өр-яңа трактор бар бит инде.

- Әйе, Урындагы башлангычларны хуплау программасы буенча алдык без аны. Авыл халкының байтак проблемаларын хәл итәргә юнәлтелгән бик яхшы дәүләт программасы бу. Гражданнар җыены үткәреп, авыл биләмә­сенә тәү чиратта трактор кирәк, дигән карарга килдек. Һәм конкурста җиңү яулап, бүген тракторлы булдык. Ни генә дисәң дә, мондый техникадан башка авыл җирендә булмый. Кышын кар чистарту җайланмасы да, юл буйларын чабу өчен чапкычы да, төягече дә бар. Ул безгә 1 миллилон 600 мең сумга төште. Шуның 1 миллионын дәүләт бирсә, 150 меңе халыктан җыелды. 155 мең сум күләмендә авыл биләмә­сендә эшчәнлек алып барган оешмалар һәм эшкуарлар иганә ярдәме күрсәтте. Калганы үзе­безнең бюджеттан. Бу уңай­дан изге эштә катнашып, үз өлешен керткән авыл халкына һәм иганәче­ләребез – “Крона” (җи­тәкчесе А.И.Нургалиев), “Надежда” (Ә.Ә.Халиков), “Ирек” (И.Исламголов), “Строй­быт­сервис” (Р.Н.Кыямов) җәм­гыять­ләренә, шәхси эшкуарлар Михаил Алышев, Рөстәм Моталов, Ришат Халиков, Айдар Алдакаевка чиксез рәхмәт сүз­ләре җиткерәсе килә. Шунысы куанычлы, авыл биләмәсендә таянып эшләрлек кешеләр бихисап.

- Ришат Равил улы, әңгә­мәгез өчен рәхмәт. Авыр һәм җаваплы эшегездә бары тик уңышлар гына юлдаш булсын.

Эльвира Ямалетдинова әңгәмәләште.
Читайте нас: