Бәхетләре - туган авылда

Агымдагы елда авыл халкы белән бергәләп “Су сылу”, “Чәчкәле көз”, “Их тәмле бәрәңге!”, “Әбиләр чуагы” кебек чаралар үткәрдек. Анда катнашкан актив гаиләләрнең берсе – Бәһаветдиновлар турында сөйләп үтәсе килә. Алар җыр-моңга әвәс кешеләр. Әти-картәтиләре тимерчелек белән шөгыльләнгән, оста бура бураучы булганнар. Гөлнәзирә белән Зәйтүннең (кызганычка каршы, мәрхүм инде) уллары Зәбир белән Гимназ да гаилә корып, яңа йортлар салып, туган авылларында төпләнделәр. Ата-бабалары кебек, алар да кул эшләренә оста. Менә шундый тырыш, киләчәккә ышаныч белән караган гаиләләр булганда, авылыбызның иртәгәсе өметле.

Миңнифа Батталова.

Үтәгән авылы.