Май чабу бәйрәме гөрләп үтте

Константиновка авылында да бу бәйрәмне бик күңелле итеп үткәрделәр. Мәдәният хезмәт­кәрләре авыл халкын һәм кунаклар өчен бай программа әзерләгән.
Чара дәртле музыка белән башланып китте. Җыелучылар йолага әверелгән уеннарда зур теләк белән катнаштылар: аркан тарттылар, капчык киеп, себеркегә атланып йөгерделәр. Кыскасы, үзләренең җитез­лекләрен һәм осталыкларын күрсәттеләр һәм актив катнашучылар сувенирлар һәм татлы ризыклар белән бүләкләнделәр.
Дәртле биюләр, төрле уеннар, күңел ачулар, әйлән-бәйлән йөрүләр бәйрәмгә тагы да ямь өстәде. Тезелешеп басып, язны чакырдылар. “Рябиновый звон” хатын-кызлар вокал ансамбленең чыгышларын да тамашачылар көчле алкышларга күмделәр.
Май чабу бәйрәме карачкысын яндыру бәйрәм­нең иң чагу мизгеле булды. Бу күренеш иске, кирәк­мәгән һәм начар нәрсә­ләр­дән отылуны, кыш китүне һәм яз килүне гәүдәләнд­ерә. Сынамыш буенча, бәй­рәмне күңелле итеп үткә­рүчеләрнең елы да уңыш­лы булачак. Шулай ук кыш озату бәйрә­мендә салкынча һава торышы булуы уңышның мул булачагы турында хәбәр итә. Амин, шулай була күрсен!
Светлана Карпова.
Автор фотолары.