Эсседә дә, суыкта да алар торалар юлда

Әтисе юлы буенча

Илгам Илшат улы 2022 елдан бирле бу вазыйфада. Ул бу һөнәрне очраклы гына сайламаган.

- Әтием Илшат Газизҗан улы күп еллар эчке эшләр органнарында хезмәт итте - участковый булып эшләде. Минем өчен ул һәрвакыт үрнәк булды. Мин һәрвакыт аңа охшарга, үз илем өчен файдалы булырга теләдем, - ди әңгәмәдәшче.

Административ законнарны үтәү буенча инспекторның эше җиңелдән түгел. Ул Юл-патруль хезмәте хезмәткәрләренең административ материалларны дөрес төзүләрен контрольдә тотуы, аларны базага вакытында кертүе һәм башка дәүләт органнары белән үзара хезмәттәшлек итүе өчен җаваплы. Аның бурычларына шулай ук җәмәгать тәртибен, юлларда иминлекне саклау да керә.

Лаеклы хезмәт

Илһам Абдиев чыгышы белән Кырмыскалы авылыннан. Район үзәге гимназиясендә тугыз сыйныф белем алганнан соң, Уфа статистика, информатика һәм исәпләү техникасы колледжына “Компьютер системалары һәм комплекслары” белгечлеге буенча укырга керә. Аннары Милли гвардиясе гаскәрләрендә хезмәт итә.

2019 елда Кырмыскалы районы буенча Эчке эшләр бүлегендә конвоир вазыйфасында шиклеләрне һәм гаепләнүчеләрне саклау һәм конвойлау бүлекчәсендә хезмәт итә башлый. 2022 елда административ закончалык инспекторы вазыйфасына күчерелә. Әлеге вакытта махсус хәрби бурычларын үтәү буенча командировкада.

Юлларда хәвефсезлек

Илһам Илшат улыводительләргә һәм җәяүлеләргә юл хәрәкәте кагыйдәләре таләпләрен төгәл үтәү кирәклеген искәртә.

- Юл-транспорт һәлакәтләренең төп сәбәбе - водительләрнең юл хәрәкәте кагыйдәләрен бозуы, юл чатында йөрү чиратын үтәмәве, җәяүлеләр йөри торган урыннан чыкканда кагыйдәләрне бозуы, каршы хәрәкәт өчен билгеләнгән полосага чыгуы. Машина йөртүчеләргә шуны истә тотарга кирәк: аның гамәлләренә тирә-яктагы юл хәрәкәтендә катнашучыларның гомере һәм сәламәтлеге бәйле.

Җәяүлеләр, тиешсез урында юл аша чыкмагыз. Киемдә яктылык кайтаручы элементлар кулланырга кирәк, алар кичке вакытта һәм күрү мөмкинлеге җитмәү шартларында күренеп торырга мөмкинлек бирә, - дип билгеләп үтте полиция лейтенанты.

Бердәм команда

Районның юл хәрәкәте иминлеге буенча дәүләт инспекциясе бүлегендә полициянең өлкән лейтенанты Илфир Закиров җитәкчелегендә 11хезмәткәр хезмәт итә.

- Коллективыбыз бердәм һәм дус. Без монда үзебез өчен генә түгел, хезмәттәшебез өчен дә җаваплы, чөнки иптәшләребез авыр һәм куркыныч хәлләрдә иң ышанычлысы булган очраклар сирәк түгел. Хезмәттәшләребезне һәм хезмәт ветераннарын һөнәри бәйрәмебез белән котлыйм. Барыгызга да ныклы сәламәтлек, сабырлык һәм, әлбәттә, бәла-казасыз вакыйгалар телим.

Галия Кәримова.

Автор фотосы.