Герой хөрмәтенә

Ефремкино авылында тумышы белән шул авылдан булган Советлар Союзы Герое Г.С.Васильевның тууына 120 ел тулуга багышланган хәтер кичәсе үткәрелде.

Бу көнне мәктәп укучылары легендар якташыбыз бюстына чәчкәләр салдылар, аның хөрмәтенә җырлар башкардылар, шигырьләр сөйләделәр. Соңыннан авыл мәдәният йортында Григорий Семенович турында авылның мәдәни чаралар оештыручысы Валентина Воронцова төшергән “Хәтер” фильмы күрсәтелде.

Валентина Иванова.