Үзән
+17 °С
Болытлы
Барлык яңалыклар
Авыл биләмәләрендә
11 декабрь 2018, 12:42

Көнүзәк мәсьәләләрне бергәләп хәл итәргә

Район Советы секретаре Айрат Сәетгалин, район хакимияте башлыгының финанс мәсьәләләр буенча урынбасары Илфат Хәмитов, район хакимияте башлыгының икътисадый мәсьәләләр буенча урынбасары Асия Әнәсова һәм Сахай авыл биләмәсе башлыгы Ришат Хөснетдинов катнашлыгында Иске Шәрәй урта мәктәбендә үткәрелгән гражданнар җыенында көнүзәк проблемаларны Урындагы башлангычларны хуплау программасы аша хәл итү юллары тикшерелде.

Чараны оештыручылар районда Программаның тормышка ашырылуы, шулай ук проектлар конкурс нигезендә сайланачагын аңлаттылар. Илфат Җәүдәт улының сүзләренә караганда, конкурста җиңеп чыгу өчен тәкъдим ителгән мәсьәләләр буенча күп балл җыярга ки­рәклегенә игътибар бирелергә тиеш. Җыелыш барышында искешәрәйлеләр зират билә­мәсен төзекләндерү буенча проектны бертавыштан хупладылар.
- Без еш кына мәрхүмнәрне онытырга ярамаганлыгы турында сөйлибез. Димәк, безнең ата-бабаларыбыз һәм якыннарыбыз җирләнгән зиратны тәртиптә тоту, коймаларын яңартып тору – безнең изге бурычыбыз, - диде татар теле һәм әдәбияты укытучысы Регина Мөлекова.
Җыелышта Флюр Сира­җетдинов, Рәмилә Растегаева, Рәмилә Хафизова, Фәрәхия Хәсәнова, Илнур Бәширов һәм Регина Мөлековадан торган инициатива төркеме сайланды. Алар аңлату эшләре алып барачак, проектны тормышка ашыруда төрле яклап ярдәм күрсәтәчәк. Киләчәктә подрядчылар сайланачак һәм проектны тормышка ашыру буенча эшләр башкаруга килешү төзеләчәк.
Бу көнне авыл халкы өчен мәктәп укучылары һәм укытучылар белән берлектә әзерләнгән концерт номерлары һәм театрлаштырылган тамаша күрсәтелде.
Ринат Шәйбәков.
Читайте нас: