Гомум карарга килделәр

2014 елдан эшләп килгән программа шул максатта киң колач алды һәм уңышлы тормышка ашырыла да. Конкурста катнашу өчен халык урындагы хакимият һәм эшкуарлар белән тыгыз бәйләнештә хезмәт­тәш­лек итәргә тиеш. Ибраһим авы­лы халкы да бу Программада катнашырга карар кабул итте. Җыелышта Сәвәләй авыл хакимияте башлыгы Тимур Галә­ветдинов Программа, аның мөмкинлекләре, шартлары турында җентекле мәгълүмат җиткерде. Ибраһимлылар үзара киңәшләшеп, урындагы зиратны кәртәләп алырга кирәк, дигән фикергә килде. Җы­елышта катнашучылар бертавыштан бу тәҡъдимне хуплады. Залның “Бергәләп кулыбыздан килә”, “ППМИ – безнең ышаныч”, “ППМИ-2021. Ибраһим авылы” дигән плакатлар белән бизәлүе дә халыкның бер төптән эш итүен күрсәтте. Заһир Әх­мә­диев, Венера Хәкимова, Сажидә Камалова, Рәмзилә Галиева һәм Ринат Галиев кат­наш­лыгында инициатива төр­­­ке­ме дә сайлады. Аларның төп бурычы - халыктан акча җыю һәм эшне оештыру.
Проблемаларын хәл итү юлын эзләгән халык йорт башына 1 мең сум акча җыярга карар итте. Республика казнасыннан бү­ленгән акчага халык һәм иганәчеләр дә үз өлешләрен өстиячәк. Бердәм тырышлык белән бу эшне башкарып чыгарбыз, дип өметләнә ибраһим­лылар.
Фәниә СӘЛИМГӘРӘЕВА.
Автор фотосы.