Яңа Бишаулга трактор кирәк

Ел азагында “Урындагы башлангычларны хуплау” программасында катнашу буенча авыл халкы белән фикер алыштылар. Аннан алда инициатив төркем һәм авыл хакимияте тарафыннан җыелышка әзерлек чаралары оештырылды.

Шул уңайдан авыл халкы белән ике тапкыр очрашып, Яңа Бишаул авылына кагылышлы көнүзәк мәсьәләләр, булачак проектны тормышка ашыру өчен акча табу юллары һәм башкалар каралды. 

Күпчелек халык авылга роторлы МТЗ-82 тракторы сатып алу өчен тавыш бирде. 

- Авыл биләмәсе өчен трактор кирәк. Юлларны тазарту, чүп-чар түгү һәм башка эшләр җитәрлек.  Авылда яшәүчеләр моны яхшы аңлый. Шуңа да трактор сатып алу теләге зур, - диде авыл биләмәсе хакимияте башлыгы Азамат Гайфуллин. 

Ун кешедән торган инициатив төркем төзелде. Аңа авыл хакимияте белгече булып эшләгән Фирүзә Абдуллина җитәкчелек итә.

Конкурс комиссиясе 2025 елның язында җиңүче проектларны билгеләячәк. Яңа Бишаул халкының изге нияте тормышка ашар, дип ышанабыз. 

Зөлфирә Киньягулова, Иске Бәбеч авыл хакимиятенең эшләргә идарә итүчесе.