“Бергәләп Җиңүгә”

Фестиваль-марафон сәнгать чаралары ярдәмендә Ватанның героик тарихын һәм хәрби данын пропагандалау, аны саклаучыларның истәлегенә хөрмәт тәрбияләү, һәвәскәр иҗат коллективларының башкару осталыгын үстерү, гражданлык, героик-патриотик яңгырашның яңа репертуарын булдыру, халык иҗаты коллективларының Бөек Ватан сугышы даталарын билгеләп үтүче чараларда актив катнашуы максатларында үткәрелә.

Фестиваль кунакларын муниципаль район хакимиятенең мәдәният бүлеге начальнигы Виктория Мөхәммәдиева, Сәвәләй авыл Советы авыл биләмәсе башлыгы Тимур Галәветдинов һәм Сахай авыл Советы башлыгы Ришат Хөснетдинов сәламләде.

- Озакламый без илебез өчен әһәмиятле датаны – 9 Майны бәйрәм итәчәкбез. 80 ел элек илебез фашизмны җиңеп чыкты. Бүген дә безнең яклаучыларыбыз, бабаларыбыз кебек үк, тыныч күк булсын өчен, иңгә-иң куеп безнең бәйсезлегебезне яклыйлар.

2025 ел Русиядә Ватанны саклаучылар елы, ә Башкортстанда махсус хәрби операциядә катнашучыларына һәм аларның гаилә әгъзаларына ярдәм елы дип игълан ителде.

Сезнең өчен үткәргән чаралар, безнең яшь буын һәм районыбыз халкы хәтеребездә калырга тиеш. Бу тыныч күк йөзенең нинди бәя белән яулап алынуын истә тотсын өчен, - диде Виктория Риф кызы. Без көчле, какшамас халык, димәк, Русия үзенең тугрылыгы, солдатлары һәм гражданнары белән көчле. Безнең киләчәгебез - чын патриотлык рухында тәрбияләнеп үскән балаларыбызда. Бөек Җиңү истәлеге һәм илебез өчен горурлык һәрвакыт йөрәкләребездә яшәсен.

- Вакыйгалар, исемнәр һәм даталар һаман бездән ераклаша бара, әмма кешеләр гомере хакына үлемгә барган солдатларыбызның батырлыгы, тылда йокысыз һәм ялсыз хезмәт иткән хатын-кызларның, картларның һәм балаларның чыдамлыгы турындагы хәтер беркайчан да сүрелмәячәк. Безнең халык ул коточкыч сугышның бөтен авырлыгын кичерде. 80 ел элек безнең азатлыгыбызны саклап калган ветераннар элеккечә Ватанга мәхәббәт үрнәге булып торалар, - диде Ришат Равил улы.

Сәвәләй авыл Советы үзешчәннәренең музыкаль программасы төрле жанрларда тәкъдим ителде. Буыннар алмашынуы турындагы пролог тамашачыларны вакытның тиз үтүе турында уйланырга мәҗбүр итте. Вокаль номерлар хореографик номерлар белән алышынды.

Айгөл Хәмзина, Мәхмүзә Сәгадәтова, Фларида Кужеева, Дилә Вәлиева, “Малышок” балалар бакчасы коллективы, Сәвәләй авылы мәктәбе укытучылары һәм укучылары, “Яшлегем моңнары” ансамбле чыгышлары көчле алкышларга күмелде.

Штандартны тапшырганнан соң, сүзне шулай ук бай концерт программасы әзерләгән хуҗалар алды.

Наилә Фәхретдинова җитәкчелегендәге “Яшьлегем моннары” һәм Резида Әдиятуллина җитәкчелегендәге “Мирас” сәнгать коллективларының театральләштерелгән тамашалары, Гөлнара Йөзлекбаева, Эвелина Галәветдинова, Руслан Сәетов, Илнур Әбделкәримов башкаруындагы җырлар һәм “Патриотлар” балалар хоры (җитәкчесе Гөлнара Кадаева), “Ромашка” балалар бакчасында тәрбияләнүчеләр, “Капелька” хоры, Амелия Бәдретдинова башкаруындагы гимнастика биюе, Алия Нургалиева җитәкчелегендәге “Созвездие” һәм “Дуслык” коллективларының хореографик зарисовкалары һәм Эльвира Хәбибуллина укыган шигырь беркемне дә битараф калдырмады.

Бәйрәм кичәсе тәмамланды, ә Кырмыскалы җирендә яшәүче авыл кешеләрен берләштерүче фестиваль дәвам итә. Марафонда катнашучыларга җиңүләр телибез.

Марина ВИКТОРОВА.