Урамнар яктырып калачак

Авыл халкы “Авыл урам­нарын яктыртуны яхшырту” проекты белән программада бертавыштан катнашырга ка­рар итте.

Шәйморат авыл биләмәсе башлыгы Илвир Моратшин әлеге программа чикләрен­дә районда нинди проектлар гамәлгә ашырылуы һәм анда җиңү өчен нәрсәләр эшләргә кирәклеге турында сөйләде. Җыелышта тиз арада хәл итү­не таләп иткән проблемалар каралды. Коллектив киңәш­мәдән соң Таусеңер авылы халкы “Авыл урамнарын як­тыртуны яхшырту” проектын хуплап тавыш бирделәр.

Җыелыш нәтиҗәләре бу­енча, инициатив төркем сай­ланды. Аның составына Ла­риса Комарова, Наилә Мәгъ­зүмова, Әсхәт Мөхәмәтҗанов, Рәфилә Сибәгатова, Эльвира Мөхәмәтҗанова керде. Ак­тивистларның төп бурычы – халыктан акча җыю һәм эш барышын күзәтү.

Таусеңер авылы халкы бу эшкә бөтен көчен салып, җиңеп чыгарга өметләнә.

Гөлчәчәк АЛАЧЕВА.