Без - спорт мәйданчыгы өчен

Турыдан-туры тавыш бирүдә халык үз биләмәләрендә нинди проект гамәл­гә ашырылачагын билгеләде. Ачык фи­кер алышу һәм яшерен тавыш бирү юлы белән абсолют күпчелек тавыш белән заманча универсаль спорт мәйданчыгын төзү инициативасы сайланды.

Җыелышта икенче альтернатив вари­ант - хуҗалык ихтыяҗлары өчен “Бела­рус 82.1” тракторы сатып алу мәсьәләсе каралды. Фикер алышканнан соң, ха­лык барлык буыннарның актив ялы һәм сәламәтлеге өчен инфраструктура бул­дыруны сайлады. Шул рәвешле, халык­ка үз биләмәләре үсешенә турыдан-ту­ры йогынты ясарга мөмкинлек биргән программа үзенең нәтиҗәлелеген кабат раслады.

Проектның якынча бәясе: 2 миллион сум. Халыктан гомум сумманың 15 про­центы күләмендә акча җыярга дигән ка­рарга килделәр, муниципаль бюджеттан 15 процент бүленәчәк. Калган акчалар “Урындагы башлангычларны хуплау” программасы конкурсы чикләрендә ре­спублика бюджетыннан субсидия рәве­шендә алыначак.

Яңа спорт мәйданчыгы төзелеше Урал авылының иҗтимагый тормышында мөһим вакыйга булачак. Ул балаларга, үсмерләргә һәм өлкәннәргә спорт белән шөгыльләнү, уеннар үткәрү һәм саф һа­вада ял итү мөмкинлеге бирәчәк. Хәзер инициатив төркемгә конкурска гариза бирү һәм проектны төбәк дәрәҗәсен­дә яклау өчен тулы документлар пакеты әзерләргә кирәк булачак.

Марина ВИКТОРОВА.