Бертавыштан карар ителде

Актив фикер алышу барышында көн тәртибендәге конкурс нигезендә сайлап алу механизмы, муниципалитет һәм халыкның үзләре тарафыннан финанслау шартлары, шулай ук инвестицияләр кертү өчен мөмкин булган юнәлешләр кебек барлык мәсьәләләр җентекләп каралды.

“Уңай” һәм “каршы” якларны тикшергәннән соң җыелучылар бер фикергә килде - Кушкүл авылы “Урындагы башлангычларны хуплау” программасында катнашачак, “Башкортстан Республикасы Кырмыскалы районы Кушкүл авылының Төзүчеләр урамындагы юлны ремонтлау” проектын сайлаячак. Нәкъ менә ул халык тарафыннан иң мөһим дип табылды.  

Авыл биләмәсе башлыгы Гөлйөзем Уразбахтина катгый конкурс процедурасы турында искәртте һәм инициатив төркем роленә җентекләп тукталды. Алар халыктан акча җыюны оештырудан алып эшләрнең сыйфатын даими контрольдә тотуга һәм объектны кабул итүгә кадәр төп бурычларны үз өстенә алырга тиеш.

- Бу безнең уртак проект, бөтен авылны төзекләндерү шуннан тора. Безнең бердәмлегебез һәм төгәл эшебез конкурста уңыш нигезе булыр дип ышанам, - диде Гөлйөзем Гандәлиф кызы.

Авыл халкы, уртак көч белән сайлап алу конкурсында җиңеп, сайлаган проектны тормышка ашыра алуларына өметләнә.

Әлфия Уразбахтина.