Депрессиягә бирешмәс өчен нишләргә?

Бүген, 24 мартта, кешеләрнең игътибарын психик сәламәтлек проблемаларына җәлеп итү максатыннан халыкара депрессия белән көрәшү көне билгеләнә.

Депрессия - авыруның тормышка кызыксынуы югала, үз-үзен бәяләве һәм эшкә сәләтлелеге кими торган иң киң таралган психик тайпылыш - начар кәеф, төшенкелек һәм гаеп тойгысы өстенлек итә.

Һәр чирне дәвалауга караганда, кисәтү яхшырак, диләр.

Менә психик сәламәтлекне саклау һәм депрессияләрне булдырмас өчен дә бик гади генә кагыйдәләр бар икән.

* Һәр көнгә сөенеп, киләчәккә өмет белән яшәргә өйрәнегез. Хәтта иң катлаулы хәлдә дә ниндидер уңай ягын табарга тырышыгыз. Булганына шөкер итегез, булмаганны уйлап баш катырмагыз.

* Үз алдыгызга үтәп булырлык максатлар гына куегыз. Шулай булганда борчылырга урын калмас.

* Дөрес тукланыгыз. Азык кешенең торышына һәм кәефенә тәэсир итә.

* Үлән чәйләре эчегез. Сары мәтрүшкә, песи үләне тамыры, пустырник һәм мелисса салып кайнатылган чәй тынычланырга, йокыны җайга салырга ярдәм итә.

*Спорт белән шөгыльләнегез, ул эндофрин - бәхет гормоны эшләнүгә тәэсир итә, ә ул, үз чиратында, депрессиягә каршы тора.

* Үзегезгә вакыт табыгыз. Яраткан шөгыль, мавыгу күп кенә уңай тойгылар уята.

Боларның барысы да үзбәяне күтәрә һәм күңел күтәренкелеге бүләк итә, нәтиҗәдә депрессиягә бирешмәскә ярдәм итә.

Эльвира Ямалетдинова.

Фото: Pixabay.com