Автомобиль ачкычлары алдылар

Автомобильләр “Сәламәтлек саклау” милли проектының беренчел звеносын модернизацияләү программасы чикләрендә килде. Яңа автомобиль ачкычларын Башкортстан Башлыгы Радий Хәбиров тапшырды. Ике яңа автомобиль Кырмыскалы  район үзәк дәваханәсенә бирелде.
- Бу пациентларның беренчел медицина-санитария ярдәме күрсәтү һәм алу сыйфатын яхшыртачак, - диде баш табиб Азамат Галиев.
2021 елдан “Сәламәтлек саклау” милли проектының беренчел звеносын модернизацияләү программасы чикләрендә Кырмыскалы район үзәк дәваханәсе 8 автомобиль алды.
- Соңгы вакытта дәваханәнең автопаркы яңартылды. Элек техниканы ремонтлауга шактый көч һәм акча сарыф ителә иде. Хәзер водительләр заманча һәм ышанычлы машиналарда эшлиләр, - дип уртаклашты район үзәк дәваханәсе гаражы механигы Азамат Әминев.
Автомобильләр пациентларга урынга чыгып медицина ярдәме күрсәтү һәм беренчел медицина-санитария ярдәме күрсәтүнең башка төрләре өчен билгеләнгән.
- Яңа машинада эшләү җиңел һәм рәхәт. Кондиционеры бар, урындыклары җылытыла, - дип билгеләп үтте водитель Андрей Новиков.
Башкортстанда медицина уңайлырак, югары технологияле һәм заманчарак була бара. “Сәламәтлек саклау” милли проектын гамәлгә ашыру чикләрендә матди-техник базалар яңартыла, ягъни медицина ярдәме инфраструктурасы үсеш ала.
– Безнең максат - поликлиникага яки дәваханәгә барып җитү авыр булган кешеләр анда барып җитә, ә терапевтлар һәм педиатрлар пациентлары янына килә алсын өчен медицинаны кешеләргә мөмкин кадәр якынрак итү, - диде Радий Хәбиров.
Юлия СОЛТАНОВА.